दाङ । नेपाली कांग्रेसका पुर्वमहामन्त्री स्वर्गीय खुमबहादुर खड्काको प्रथम स्मृति दिवस आयोजना गरिने भएको छ ।
नेपाली कांग्रेस दाङ क्षेत्र नम्बर १ ले सतबरीयामा चैत १६ गते स्मृती दिवस आयोजना गर्न थालेको हो ।
आज आयोजना गरिएको प्रथम स्मृति दिवस कार्यक्रममा स्वर्गीय खड्काको परिवारले अक्षयकोष स्थापना गर्ने क्षेत्रीय सभापति भेषराज पाण्डेले जानकारी दिए ।
शनिवार विहान ११ बजे हुने पहिलो पुण्य तिथिका अवसरमा उपस्थित हुन पाण्डेले सबै नेता कार्यकर्ता र शुभेच्छुकहरुलाई आग्रह समेत गरेका छन् ।
यसैगरि, चैत २० गते पार्टी सभापति तथा पूर्व प्रधानमन्त्री शेरबहादुर देउवाले लमहीमा विपी स्मृती भवनको शिलान्यास गर्ने निर्णय भएको छ ।
काँग्रेस भित्र प्रभाबशाली,निर्भिक र निडर नेताको छवि वनाएका स्वर्गीय नेता वर्तमान समयमा खट्किएको नेता कार्यकर्ताहरुले खुलेरै बताएकाछन् ।
खड्काले कांग्रेस भित्र हिन्दु राष्ट्र नेपाल हुनु पर्ने एजेण्डाको नेतृत्व गर्नु भएको थियो ।
