काठमाडौं, २२ चैत । पार्टी सभापति शेरबहादुर देउवा विरुद्ध पार्टीको अनुशासन समितिमा उजुरी दिने विवादास्पद व्यापारी राजेन्द्र बजगाई पटक पटक विवादमा आएका व्यक्ति हुुन् ।
स्वीस बैंकमा अर्बौं रकम जम्मा गरेका बजगाईले केही अनलाइन र युट्युबमा देउवा विरुद्ध आपत्तिजनक अभिव्यक्ति दिदै हिडिरहेका छन् । बजगाइँले पत्रकारलाई पैसा तिरेर लेखाएका समाचार र युट्युबका भिडियोलाई पैसा तिरेर सामाजिक सञ्जालमा बुस्ट समेत गराएका छन् ।
बजगाइँले ‘शेरबहादुर देउवाका समर्थकले ज्यान मार्ने धम्की दिएको, सुरक्षाका लागि आफू युएनएचसिआरमा जानुपरेको, नेपाल तरुण दलले आफूविरुद्ध विज्ञप्ति जारी गरेर जघन्य अपराध गरेको बताउदै हिड्ने गरेका छन् ।
कुनै बेला सभापति देउवाकै गुटभित्र किचन क्याबिनेटका व्यक्ति बजगाइँ र देउवाबीच सम्बन्ध विगार्ने काम महामन्त्री डा.शशांक कोइराला र केन्द्रीय सदस्य डा.मीनेन्द्र रिजालले गरेका हुन् ।
सुरुवाती दिनमा ट्रेकिङमा सानातिना काम गरेका बजगाइँ गोर्खा जिल्लाको मध्यमवर्गीय परिवारमा जन्मिएका हुन् ।
बजगाईले १३–१४ वर्षको समयमा अर्बौंको सम्पत्तिको मालिक बन्न ट्रेकिङ व्यवसायमा विदेशीहरूसँगको संगत सहयोग ग¥यो ।
सांग्रीला होटेलको क्यासिनोमा विदेशी लगानीकर्ताले उनको नाम राखिदिए । क्यासिनो चलेपछि राम्रो पैसा कमाइ गरे ।
कर छलि गर्ने देशबाट कालोधन भित्र्याउदै सरकारलाई राजश्व नतिरेपछि बजगाइँ क्यासिनो विवादमा परेपछि देउवालाई मिलाइदिन पटक पटक दवाव दिएका थिए ।
तर, देउवाले राज्यलाई घाटा हुने कुरामा धेरै चासो दिएनन् । त्यसपछि बजगाइँ देउवाले सहयोग नगरेको भन्दै विरोधमा उत्रिएर गुट परिवर्तन गर्दै चरित्र हत्यामा सक्रिय भए । अभियान टाइम्सका साथमा ।
