बाहुनडाँगी । जनकपुर जेसीजले चैत महिनामा ३ वटा तालिम सम्पन्न गरेको छ । शााखाले समय व्यवस्थापन, लोम अफिसर र मास्टर अफ सेरमोनी तालिम सम्पन्न गरेको हो ।
समय व्यवस्थापन तालिम कलेजका विद्यार्थीहरुलाई केन्द्रीत गरी आयोजना गरिएको थियो । होटल होटल होयलकममा सम्पन्न तालिम शाखाका पूर्व अध्यक्ष एवम् प्रोफेसर दिलिप जलानले प्रशिक्षण गराउनु भएको थियो । तालिममा कलेजका ७२ जना विद्यार्थीहरुको सहभागिता रहेको थियो । तालिममा पूर्व अध्यक्षहरु शंकरप्रसाद शाह, सुधिर पंजियार, विजय शाह, रबि शाह, लक्ष्मीनारानयण शाह, नासिर अहमद, मनिष रमन शाह, रामकिशोर शाह, विद्याकरप्रसाद शाहको समेत गरिमामय सहभागिता रहेको थियो । शाखाका पूर्व अध्यक्ष रामबाबु गुप्ताको प्रमुख आतिथ्यता तथा शाखाका अध्यक्ष तुलसी पञ्जियारको सभापतित्वमा सम्पन्न कार्यक्रमको स्वागत कार्यक्रम संयोजक प्रियान्सु शाह र सञ्चालन महासचिव अशोककुमार शाहले गर्नु भएको थियो ।
यसैगरी शाखाका पदाधिकारीहरुलाई लोम अफिसर तालिम समेत सम्पन्न गरेको छ । लोम अफिसर शाखाका पूर्व अध्यक्ष एवम् बरिष्ठ अधिवक्ता सुधिप कोइरालाले प्रशिक्षण गराउनु भएको थियो । जसमा शाखाका २५ जनाको सहभागि रहेको थियो ।
साथै जनकपुर जेसीजले मास्टर अफ सेरमोनी तालिम समेत सम्पन्न गरेको छ ।
तालिमका प्रशिक्षण नेपाल जेसीजका पूर्व कार्यकारीणी उपाध्यक्ष एवम शाखाका पूर्व अध्यक्ष सिनेटर मनिषरमण शाहले गराउनु भएको थियो । तालिममा २६ जनाको सहभागिता रहेको थियो ।
