दमक । हास्यकथानक फिल्म दाल भात तरकारी युनिटले मोफसल यात्रा सुरु गरेको छ । वैशाख २० मा प्रदर्शन हुने फिल्मबारे दर्शकलाई प्रत्यक्ष जानकारी दिन कलाकारको टोलीसहित मोफसलका विभिन्न स्थानमा पुगेको छ ।
हास्यअभिनेता किरण केसीको प्रस्तुति रहेको फिल्मको युनिटले आइतबारदेखि यात्रा थालेको हो ।
आज दमकमा चलचित्र दमकमा मोफसल यात्रा मार्फत पत्रकार सम्मेलन गर्दै फिल्म बारे जानकारी दिएको छ ।पत्रकार सम्मेलनमा बोल्दै मुख्य कलाकार हरिवंश आचार्यले योे चलचित्रले तीन पुस्ताको प्रतिनिधि गर्ने सुनाउँदै ‘दाल भात तरकारी’ आममानिसको कथा भएको बताए । ‘दाल भात तरकारीका लागि कस्तोकस्तो संघर्ष भइरहेको छ भन्ने विषय चलचित्रले देखाउने छ’, उनले भने ।
दमकमा आयोजित पत्रकार सम्मेलनमा चलचित्रका मुख्य कलाकार हरिवंश आचार्य, किरण केसी, शिवहरि पौडेल, आँचल शर्मा, पुष्प खड्काको साथमा गायिका जुनु रिजाल सहभागी छन् ।
दर्शकसँग प्रत्यक्ष भलाकुसारी गरेर माहोल तताउनका लागि यात्रामा निस्किएको प्रस्तुतकर्ता किरण बताउँछन् । हरिवंश आचार्यले स्क्रिप्ट लेखेको फिल्ममा हरिवंश स्वयं, निरुता सिंह, वर्षा राउत, राजाराम पौडेल, प्रियंका कार्की, विल्सनविक्रम राई, यमन श्रेष्ठलगायतले अभिनय गरेका छन् । दीर्घ गुरुङले खिचेको फिल्मको निर्मातामा रमिला आचार्य, यमन श्रेष्ठ, शिवहरि पौडेललगायत छन् ।
https://www.youtube.com/watch?v=8lkFr2BdRvw
