काठमाडौं । प्रदेश ५ का प्रहरी प्रमुख प्रहरी नायव महानिरिक्षक (डिआइजी) पिताम्बर अधिकारीले प्रदेश नेतृत्व लिने क्रममा अबान्छित गतिबिधि गर्ने छुट कसैलाई नहुने बताए । स्थानिय खुशी भए ।
त्यसो त उनले संगठित अपराध गर्नेहरु कानुनी कठघरामा ल्याएरै छाड्ने ठोकुवा समेत गरेका थिए । तर उनको काम गर्ने शैली र भाषणमा विल्कुल फरक देखियो ।
उनले मातहतमा राखेकाहरुको नियत खराव देखिएपछि प्रदेश ५ देखि केन्द्र सम्म हल्लिखल्ली मच्चिएको हो ।
डिआइजी पिताम्बर अधिकारीले निकट राखेर धन्दा चलाईरहेको भन्दै असई स्याम चौधरी र इनिस्पेक्टर बोधराज रेग्मीका बारेमा केहि प्रहरीहरुले खुलेरै बताउन थालेका छन् ।
कुनै समय ललितपुर प्रहरी परिसरका प्रमुखका रुपमा रहँदा गाजा केसमा तानिएका तत्कालिन इनिस्पेक्टर बोधराज रेग्मीलाई हाल उनै डिआइजी अधिकारीले काखी च्यापेका छन् ।
रेग्मीको दरबन्दी बुटवल तालिम केन्द्र भएपनि डीआइजी अधिकारीले आफ्नै वरिपरि नचाएका मात्र छैनन् चोरीको कारमा उठन्तीको जिम्मा दिएका छन् ।
इनिस्पेक्टर रेग्मीलाई विभिन्न ब्यापारी तस्करहरुसँग रकम उठाउने जिम्मा छ प्रहरी स्रोतले जनाएको छ । रेग्मी अहिले चोरीको लु १ ज ५९०० अल्टो कार प्रयोग गरि उठन्तीमा खटिने गरेको जानकारी प्राप्त भएको छ ।
रेग्मी ब्यक्तिगत रुपमा क्षमतावान प्रहरी अधिकारीका रुपमा चिनिएपनि उनको अनैतिक चरित्रले गर्दा विवादमा परिरहन्छन् स्रोत भन्छ ।
त्यसैगरि सो क्षेत्रबाट हुने गोरु तस्करीको रकममा समेत मोलमोलाई हुने गरेको छ । समाचार स्रोतका अनुसार प्रहरीले आईएमई गरेर रु २ लाख चालिस हजार रकम खाएको प्रमाण सहित आइजीपी सर्वेन्द्र खनालको सचिवालयमा उजुरी समेत परेको छ । यो उजुरीसँगै डिआइजी अधिकारी तनावमा परेका छन् ।
उक्त उजुरीमा प्रदेश ५ का प्रहरी प्रमुख प्रहरी नायव महानिरिक्षक (डिआइजी)पिताम्बर अधिकारीको नाम किटान गरिएको छ । सो उजुरीले प्रहरी हेडक्वाटरमा गरमागर्मी बढाएको छ ।
आइजीपी सचिवालयले यो उजुरीलाई सुक्ष्मरुपले अध्यायन गरिरहेको बुझिएको छ ।
