धरान / नेपाली काङ्ग्रेस धरान उपष्महानगर कमिटीले एक बर्षदेखि रिक्त रहेको धरान उपमहानगरपालिकाको मेयर पदको चुनाव चाडो गराउन ध्यानाकर्षण् गराएको छ । मेयरको पद रिक्त भए पछि उपमहानगरको काकारवाही अस्तव्यस्त भएको भन्दैं तत्काल निर्वाचन गराउने उनीहरुले ध्यानाकर्षण गराएका हुन ।
केही दिन अघि भएको समितिको बैठकले उपमहानगरभित्रका हरेक गतिविधिमा काङ्ग्रेस खरो प्रतिपक्षको भुमिका निर्वाह गर्ने समेत निर्णय गरेको छ । साविक नेकपा एमालेबाट निवार्चित जनप्रतिनिधिहरुले नगरको विकास र जनताको पक्षमा काम गर्न नसकेको आरोप लगाउदै उनीहरुले जनताका ुसेवा गर्न छाँया सरकार बनाउने घोषणा पनि गरेको छ ।
२०४८ सालयता एउटै पार्टीले निरन्तर चुनाव जिते पनि धरानको विकासमा ठोस उपलब्धी हासिल हुन नसकेको भन्दै छाँया( सरकार बनाउने निर्णय गरेको विज्ञप्तिमा उल्लेख गरिएको छ । नगरका सचिव श्याम पोखरेलले जारी गरेको विज्ञप्तिमा केही दिन भित्रै सबै नेता एवं कार्यकर्ताहरुसँग परामर्श गरी छाया सरकार बनाउने बताइएको छ ।
प्रजातन्त्र पुर्नस्थापना पछि धरानमा एमालेले बहुमतमा जित हासिल गदें आएको छ । ‘२०४८ सालदेखि नै पार्टीको घोषणा पत्रमा लेखिएका कुराहरु कार्यन्वयन नगरेको उनीहरुले आरोप लगाएका छन् । बसपार्क निर्माण, सुकुम्बासी समस्याको दीर्घकालिन समाधान, एयरपोर्ट निर्माण, बजार व्यवस्थापन, खानेपानी व्यवस्थापनलगायतका काम गर्न धरान उपमहानगरपालिका सक्षम नभएको नगरका सचिव तथा प्रचार विभाग प्रमुख श्याम पोख्रेलले जानकारी दिए ।
