एनएमबि बैंकको ठूलो परिमाणमा कर्जा लगानी डुबेको तथ्य प्राप्त भएको छ । बैंक श्रोतबाट प्राप्त तथ्यांक अनुसार बैंकको अर्बौ रकम उठ्न सकेको छैन ।
केहि ठूला व्यावसायिक घरानाका व्यक्ति, केहि व्यापारीहरु तथा जलविद्युत् आयोजनामा गरेको लगानी समेत एनएमबि बैंकको रहेको छ । लगानीमा रहेको ठूलो परिमाणको रकम भने जोखिममा परेको बैंक श्रोतले जानकारी दिएको छ ।
बैंक श्रोतका अनुसार ठूलो परिमाणमा कर्जा लगानी डुबे पछि बैंकले ऋण अशुली न्यायाधीकरण धाउन बाध्य भएको छ । आफूले उठ्न नसक्ने क्षेत्रमा लगानी गरेपछि उठ्न नसकेपछि बैंकले न्यायाधीकरण धाएको हो ।
पछिल्लो समय एनएमबि बैंकको एक जलविद्युत् आयोजनामा गरेको लगानी डुबेको छ । पोकु दोधान लघुजलविद्युत् परियोजनामा बैंकले गरेको लगानी डुबेको हो । यसका सम्बन्धमा बैंकले न्यायाधीकरणमा मुद्धा दायर गरेको छ । बैंकले हालेको मुद्धाका विषयमा आजै सुनुवाई हुने बताइएको छ । ‘आजका लागि पेशी तोकिएको, आज भएन भने भोलिसम्म सुनुवाई हुन सक्छ’ बैंक श्रोतले भने, ‘अन्य कर्जाहरु पनि डुबेका छन्, सीईओ साब तनाबमा हुनुहुन्छ ।’
