कुमार खड्का बैशाख ५ पथरी
मिस पथरी शनिश्चरे २०१९ को टाइटल मोरङ पथरीकी रिजु भट्टराईले जित्दै पहिलो मिस पालीका सुन्दरी वनेकी छिन ।
बुधबार राति पथरीशनिश्चरेमा रहेको सिन पाट्री प्यालेसमा भएको प्रतियोगितामा भट्टराईले १६ जना प्रतिष्पर्धी हरुलाई पछि पार्दै पहिलो सुन्दरी प्रतियोगिताका ताज पहिरिएकी हुन ।
माउन्ट एभरेष्ट इन्टरटेनमेन्टको आयोजनामा भएको प्रतियोगितामा ताजसहित रिजुले उपाधि र नगद ७५ हजार रुपैँया हात पारेकी छिन् ।
विजेता भट्टराईले मिस पुर्वञ्चल सुन्दरी प्रतियोगितामा सोझै भागलिन पाउनुका साथै, वल्ड लिङ इन्टरनेटको बिज्ञापन र गायक समिर बि.क. को म्यूजिक भिडियोमा मोडलीङ गर्न पाउने भएकी छन ।
भट्टराई पञ्चायत माध्यमिक विद्यालयमा अध्ययनरत छात्रा हुन । सानै देखी अव्वल प्रतिभा भएकी भट्टराईले जजले लिखीत रुपमा सोधेको प्रश्नको उत्तर ३ वटा भाषामा दिएकी थिईन ।
प्रतियोगिताको फस्ट रनर अफ पथरी बहुमुखी क्याम्पसकी छात्रा तुलसा नेम्वाङ, सेकेन्ड रनर अफ रेजिना राई घोषित भइन् । उनीहरुले क्रमशः नगद ५० हजार र २५ हजार रुपैयाँ पुरस्कार पाएका छन् ।
सिल्भर इन्टरटेन्मेन्टको प्राविधिक सहयोगमा भएको प्रतियोगितामा अस्मिता तामाङलाई फोटोजेनिक फेस, रिजु भट्टराईलाई बेष्ट पर्सनालिटी, रेजिना राईलाई मिस ट्यालेन्ट, रोमा गुरुङलाई पब्लिक चोइज, तुलसा नेम्बाङलाई बेस्ट स्माइल टाइटल सहित नगद ७ हजार रुपैयाले सम्मान गरिएको थियो ।
