काठमाडौं । जेष्ठ १५ पछि मृत्यु भएका बृद्धबृद्धाको आत्माले प्रधानमन्त्री केपी शर्मा ओली र अर्थमन्त्री युवराज खतिवडालाई नराम्ररी सराप्दै छन् ।
सरकारले जेष्ठ १५ गते आर्थिक वर्ष २०७५/०७६ को बजेट घोषणा गरेको थियो । नेपाल कम्युनिस्ट पार्टी (नेकपा) ले प्रतिनिधिसभाको गत वर्ष सम्पन्न निर्वाचनमा जनतामाझ भोट माग्न जाँदा बृद्धभत्ता महिनाको ५ हजार रुपैंया पु¥याउने बचन दिएको थियो ।
उनीहरुले घोषणापत्रमा पनि त्यही लेखे तर भत्ता बढाएनन् । आफूलाई भत्ता आउला र केही भएपनि राहत पाइएला भनेर सोचेका बृद्धबृद्धाले यही लोभले नेकपालाई भोट हालेका थिए ।
तर, सरकारले यसबारेमा कुनै चासो राखेन बरु उल्टै जनतालाई गाली गरेर आफ्नो चाहना पूरा गर्नमा नै तल्लीन भयो । सरकारले अहिले २ हजार रुपैंया भत्ता दिँदै आएको छ, यो पुरानै व्यवस्था हो ।
अर्थतन्त्र राम्रो बुझेका मान्छेलाई अर्थमन्त्री बनाइएको भनिँदै आएपनि अर्थमन्त्री खतिवडा राजनीतिक प्राणी नभएकाले न त जनताको मन जित्न सके न त नेताकै ।
ओलीले निर्वाचनमा जाँदा भनेका थिए ‘बुबा नमस्कार, आमा नमस्कार, अब हातहातमा ५ हजार ।’ उनको यो भीडियो अहिले पनि निकै भाइरल छ । तर यी घटना विवरणले नेताको मन कति पनि छुँदैन ।
हुन त ओलीले ताप्लेजुङमा चुनावी प्रचारमा जाँदा योगेशलाई जिताएर पठाउनु म मन्त्री बनाइदिन्छु भनेका थिए । होला नि त कमरेड केपीले बोलेको कुरा हो भनेर आशमा बसेका योगेश के भन्ने के नभन्ने भनेर अलमलमा छन् ।
ओलीले २०७० सालको निर्वाचनमा जाँदा झापा –६ का उम्मेदवार दीपक कार्कीलाई पनि यसरी नै मन्त्री बनाइदिने भनेका थिए तर त्यहाँ पनि झुक्याए । कार्कीले २ पटक संविधानसभाको निर्वाचन जिते ।
मन्त्री बनाइदिनु त टाढाको कुरा हो कार्की उम्मेदवार बनेर जितिरहेको ठाउँमा समेत गएर ओली नै उम्मेदवार बने ।
ओलीले २०६४ सालमा झापा–७ मा हार्दा पनि कार्कीले तल्लो क्षेत्रबाट चुनाब जितेका थिए । नेताको यो आश्वासन केबल भोट बटुल्ने मेलोबाहेक अरु केही भएन ।
जेष्ठ १५ मा बजेट आएपछि आफूहरुको भावनाको सम्बोधन होला भन्ने सोचेका उनीहरु किन मतदान गरिएछ भनेर पछुताउन थालेका छन् ।
तर सरकारले ५ वर्षमा ५ हजार पु¥याउने भनेर जनतालाई फेरि अर्कोपटक ढाँट्दैछन् । सधैं ढाँटको खेती नेताहरुबाट जनता दिक्क भइसकेकाले आगामी निर्वाचनमा देखाइदिने समेत भन्दै आएका छन् ।
