देबु बानियाँ
काँकरभट्टिा, १२ बैशाख । काँकरभिट्टा फुटबल ट्रेनिङ सेन्टरको आयोजनामा हुन गइरहेको मेची नेत्रालय मेचीनग् गोल्डकपको चौथो संस्करण आज भव्य उद्घाटन हुँदैछ । प्रतियोगिताको उद्घाटन प्रदेश नम्बर १ का सामाजिक विकास मन्त्री जीवन घिमिरेले गर्नु हुनेछ ।
काँकरभिट्टा माविको खेल मैदानमा हुने प्रतियोगिताको सबै तयारी पुरा भएको छ ।
दिउँसो २ बजे उद्घाटन हुने खेलमा आयोजक काँकरभिट्टा फुटबल ट्रेनिङ सेन्टर र दाउफिन्स एफसी क्यामरुनबीच हुनेछ ।
मेचीनगर गोल्डकप चौथो संस्करणको उद्घाटन खेलमा यी दुई टिमको यो सिजनमा तेस्रो भेट हो । गत बर्ष मदन भण्डारी इटहरी गोल्डकपको फाइनलमा दाउफिन्स एफसीलाई टाइब्रेकरमा मेची नेत्रालयले पराजित गरेको थियो । त्यसपछि दुहबी गोल्डकपको सेमीफाईनलमा मेची नेत्रालयलाई हराउदै दाउफिन्सले गोल्डकपको उपाधी समेत आफ्नो पोल्टामा पारेको थियो ।
यसै वर्ष मात्र करिब आधा दर्जन विभिन्न गोल्डकपको उपाधी चुमेको दाउफिन्सलाई आयोजक मेची नेत्रालयसँगको यो भेट निकै चुनौती बन्ने छ । आयोजकका तर्फबाट विशाल राई ए ले टिमको कप्तानी गर्नेछन् ।
गोल्डकप विजेताले नगद १० लाख १ हजार पाउनेछ भने उपविजेताले नगद ५ लाख १ हजार पाउनेछ । गोल्डकपको उत्कृष्ट खेलाडीले नगद १ लाख १ हजार पाउँदा प्रत्येक खेलको म्यान अफ दी म्याचले ११ हजार नगद पाउनेछ । त्यस्तै, बेस्ट फरवार्ड, बेस्ट मिडफिल्ड, बेस्ट डिफेन्डर्स, बेस्ट कोच, बेस्ट गोलकिपर र राइजिङ प्लेयरले जनही २१ हजार पाउने छन् ।
२१ गतेसम्म सञ्चालन हुने प्रतियोगितामा दुई विभागीय, दुई विदेशी सहित १० टिमको सहभागिता रहेको छ ।
