बाहुण्डाँगी । रत्ननगर जेसीजले स्थापनाको २० औँ वसन्त पुरा गरेको छ । स्थापना दिवसको अवसर पारेर बुधवार शाखाले २० औँ वार्षिकोत्सव मनाएको छ ।
वार्षिकोत्सवको अवसरमा शाखाले अहिलेसम्म गरेका कामको समिक्षा, भावी कार्ययोजना र युवाहरुको नेतृत्व र व्यक्तित्व विकासमा गरिएका कामहरुको प्रभावकारिताको विषयमा अन्तक्रिया समेत गरिएको थियो ।
नेपाल जेसीजको ४६ औँ राष्ट्रिय महाधिवेशनको आतिथ्यता शाखा समेत रहेको रत्ननगरले महाधिवेशनका तयारीका बारेमा समेत छलफल गरिएको थियो । महाधिवेशनका तयारीका विषयमा समितिका महासचिव निरज श्रेष्ठले अहिलेसम्म भएगरेका गतिविधिका बारेमा जानकारी गराउनु भएको थियो । शाखाले महाधिवेशन सफल पार्नका लागि विभिन्न योजनाका साथ तीब्र गतिमा काम गरिरहेको छ ।
नेपाल जेसीजका राष्ट्रिय निरुपित उपाध्यक्ष सिनेटर कमल भण्डारीको प्रमुख आतिथ्यता तथा शाखाका अध्यक्ष सुभाष पोखरेलको अध्यक्षतामा सम्पन्न कार्यक्रममा शाखाका पूर्व अध्यक्षहरु, चितवनका जेसीज शाखाका अध्यक्षहरुलगायतको सहभागिता रहेको थियो । 
