बाहुण्डाँगी । नेपाल जेसीजको आयोजनामा नुवाकोटमा सम्पन्न एरिया सी को एरिया कन्फ्रेन्समा भएको वक्तृत्वकला प्रतियोगिताको उपाधि धुलीखेल जेसीजका त्रिलोचन घिमिरेले जितेका छन् ।
नुवाकोट जेसीजको आतिथ्यतामा शुक्रवारबाट शुरु कन्फ्रेन्स अन्तर्गत शनिवार भएको क्षेत्रीय वक्तृत्वकला प्रतियोगितामा घिमिरे प्रथम हुँदै राष्ट्रिय वक्तृत्वकला प्रतियोगितामा सहभागि हुने अवसर पाएका छन् । नेपाल जेसीजका राष्ट्रिय अध्यक्ष सिनेटर महेश पौडेलले ल्याउनु भएको ‘राइज टु लिड’ विषयमा भएको वक्तृत्वमा ७ जना प्रतिस्पधीलाई पछि पार्दै घिमिरेले जित निकालेका हुन् । अब घिमिरे पुसमा रत्ननगरमा हुने नेपाल जेसीजको ४६ औँ राष्ट्रिय महाधिवेशनमा प्रतिस्पर्धा गर्नेछन् ।
फोटो सिनेटर विकास मानन्धरको फेसबुकबाट साभार
