देबु बानियाँ
बाहुनडागी । काभ्रे लेडी जेसीज अप्रिल महिनामा एरिया सी को उत्कृष्ट शाखा बनेको छ ।
नेपाल जेसीजले हरेक महिना प्रदान गर्ने जेसीज अफ द मन्थको अवार्ड अन्तर्गत काभ्रे लेडी एरिया सी कै उत्कृष्ट शाखा बन्दै अवार्ड प्राप्त गरेको हो । नेपाल जेसीजले शाखाहरुको कार्य सम्पादनको आधारमा नेपाल जेसीजले यो अवार्ड प्रदान गर्दै आएको छ । शनिवार नुवाकोटमा सम्पन्न एरिया ‘सी’ को क्षेत्रीय सम्मेलनको समापन समारोहमा उक्त अवार्ड प्रदान गरिएको छ । नेपाल जेसीजका निवर्तमान अध्यक्ष सिनेटर श्रीधर बस्यालले शाखाकप् अध्यक्ष जयन्ती मानन्धरलाई अवार्ड प्रदान गर्नु भएको थियो ।
सामाजिक अभियानमा निरन्तर क्रियाशील यो शाखाले महिलाहरुको व्यक्तित्व र नेतृत्व विकासमा महत्वपूर्ण भूमिका निर्वाह गर्दै आएको छ । 
नेपाल जेसीजका राष्ट्रिय अध्यक्ष सिनेटर महेश पौडेलले क्षेत्र ग बाट उत्कृष्ट शाखाको रुपमा काभ्रे लेडी जेसीज छनोट भइ उत्कृष्ट शाखा अवार्ड प्राप्त गरेको बताउनु भएको छ ।
‘हाम्रीले गरेका कामलाई नेपाल जेसीजले मुल्याङकन गरेर अवार्ड प्रदान गरेको छ ’ शाखा अध्यक्ष जयन्ती मानन्धरले भन्नु भयो–‘ यो अवार्डले हामीलाई अझ उत्साहित बनाएको छ ।’
शाखाले उत्कृष्ट अवार्ड प्राप्त गरेपछि अध्यक्ष मानन्धरले नेपाल जेसीज तथा राष्ट्रिय अध्यक्ष सिनेटर महेश पौडेल, निरुपित कार्यकारीणी उपाध्यक्ष अमिश ढाकाल र निरुपित उपाध्यक्ष भोजराज चापागाईलाई धन्यवाद व्यक्त गर्नु भयो । साथै उहाँले शाखाका सबै पूर्व अध्यक्ष तथा सदस्यहरुलाई समेत धन्यवाद व्यक्त गर्नु भयो । 
