इटहरी ।सुनसरीको इटहरी ६स्थित संगित चोकमा घरको छतबाट लडेर एकजना किशोरीको ज्यान गएको छ। सोमबार राती घरको ३ तला माथिबाट खसेर पुजा शर्माको ज्यान गएको हो।
राती ९ बजेको समयमा कुवेर शर्माको घरमा डेरा गरी बस्ने बावुलाल शर्माकी १७ बर्षीया छोरी पुजा शर्मा तीनतला माथिबाट खसेर घाइते भएकी थिइन। गम्भिर घाइते शर्मालाई उपचारको लागि धरान स्थित वि.पी.कोईराला स्वास्थ्य विज्ञान प्रतिष्ठान पठाईएकोमा उपचारको क्रममा राती साढे १० बजे मृत्यु भईरहेको इलाका प्रहरी कार्यालय ईटहरीले जनाएको छ।
घटनाको सम्बन्धमा थप अनुसन्धान भईरहेको र शव पोष्टमार्टमको लागि अस्पतालमा राखिएको प्रहरीले जनाएको छ।
