प्रेमप्रसाद भट्टराई(के.डी )
पथरी । नेपाली कांङग्रेसका प्रभावशाली नेता कृष्ण सिटौलाले काङग्रेसलाई सिध्याउन खोज्नेहरु आफैं सकिएर जाने बताएका छन । मंगलबार नेपाली काङग्रेस पथरीशनिश्चरे नगर कमिटिले आयोजनामा देश ब्यापी “राष्ट्रिय जागरण अभियान” मा सम्बोधन गर्दै नेता सिटौलाले सो कुरा बताएका हुन् ।
‘काङग्रेसलाई सक्न राजा, राणा, पञ्च लागे तर आफै सिधिएर गए, काङग्रेसलाई माओबादीको बन्दुकले पनि सिध्याउन खोजे तर सकेनन्,उनले भने,‘ काङग्रेस सक्न राजा ज्ञानेन्द्र पनि लागे केहि पार लागेन् । काङग्रेस सकिएन,बरु सक्न खोज्नेहरु आफैं सकिएर गए ।
स्थानीय कार्यकर्ताहरुले काँग्रेस भित्र चरम गुटबन्दी, नेतृत्वको आलोचनासहितको प्रश्न उठाएपछि उनले काँग्रेस भित्र सुधारको थालनी केन्द्रबाट गर्नुपर्ने भन्दै जनस्तरको गुनासो संकलनमा काङग्रेस लागेको बताएका छन । थरी उद्योग वाणिज्य संघको सभाहलमा सम्पन्न भएको सो कार्यक्रममा नेपाली काङ्ग्रेस पथरीशनिश्चरे नगरसभापति टेकवहादुर थापाको सभापतित्व रहेको थियो ।
पूर्व मन्त्रि तथा नेपाली काङग्रेसका केन्द्रिय नेता कृष्ण सिटौलाको प्रमुख आतिथ्यतामा भएको कार्यक्रममा नेपाली काङग्रेसका नेता वसन्त भटराई, शेखरचन्द्र थापा, सुयर्मा राई लगायतको आतिथ्यता रहेको थियो ।
