बाहुण्डाँगी । मेचीनगर ३ पहलेधापमा जारी अन्तर क्लब नकाआउट फुटबल प्रतियोगितामा बहुवन सामुदायिक वन र नव ज्योति युवा क्लब विजय िभएका छन् ।
पहलेधापको खेल मैदानमा आइतवार सम्पन्न प्रतियोगितामा बहुवन सामुदायिकले थापा चोक युवा क्लबलाई ७–२ को फारकिलो गोल अन्तरले परािजत गरेको थियो । जितका लागि बहुवनका पुजन उपरकोटील, कृष्ण लिम्बू, युजेन तामाङ, निसन लिम्बू, रञ्जित लिम्बू र युवराज मगरले गोल गरेका थिए । थापा चोकका तर्फबाट सन्देश ढकाल र हेमु धिमालले गोल गरे ।
यसैगरी नव ज्योतिले होसना मण्डली इलामलाई २–० को गोल अन्तरले पराजित गरेको छ । नव ज्योतिका उमेश थापा र रमेश मेचेले गोल गरेका खेल संयोजक विशाल सुनुवारले बताउनु भयो ।
सोमवारदेखि क्वाटर फाइनल खेल सुरु हुनेछन् । जसमा पहिलो खेल निन्दा फुटबल क्लब र रोङ गाउँपालिका तथा दोस्रो खेल दीप ज्योति युवा क्लब र बाहुण्डाँगी युवा क्लबीच हुने आयोजक समितिका सचिव अर्पण मुखियाले बताउनु भयो । 
