काठमाडौं । दुबै मृगौला बिग्रिएर जिवन र मरणको दोसाधमा रहनुभएका गोरखाका कर्णबहादुर गुरुङको उपचारका लागि साउदी अरवस्थित गन्तब्य नेपालले आर्थिक सहयोग गरेको छ । गन्तब्य नेपालले सहयोग गरेको ७१ हजार २६ रुपैंया आज विरामीको आफन्त सागर गुरुङलाई हस्तान्तरण गरिएको छ । सो रकम काठमाडौं काविल वचत तथा सहकारी संस्थाका अध्यक्ष छनु गुरुङ र उपाध्यक्ष सारा पन्त राईले सागर गुरुङलाई हस्तान्तरण गर्नुभयो ।
सहयोग रकम हस्तान्तरण गर्दै उपाध्यक्ष सारा पन्तले विरामीको स्वास्थ्य लाभको कामना गर्दै सबैलाई सहयोग अपिल गर्दै विरामीको ज्यान जोगाईदिन अनुरोध गर्नुभयो । थोपा थोपा मिलेर समुन्द्र बन्छ भन्दै सानो सानो सहयोगले विरामीको उपचारमा सहजता पुग्ने
साराले बताउनुभयो । सहयोग धन भएर भन्दा पनि मन भएर गरिने बताउदै साराले भन्नुभयो, दुख बिराम भएकालाई सहयोग गर्नु नै धर्म अनि पुण्यता कमाउनु हो । 
गन्तब्य नेपालले समाजिक कामहरु गर्दै आएको जानकारी गराउदैं उहाँहरु मार्फत सहयोग गर्न पाउँदा खुशी लागेको बताउनुभयो । सहयोग रकम बुझ्दै बिरामीको आफन्त सागरले सहयोगी दातमा धन्यवाद प्रकट गर्दै सहयोग रकमले बिरामीमा बाँच्ने आशा पलाएको बताउनुभयो । आर्थिक अभावकै कारण उपचारमा समस्या भएको उहाँको भनाई थियो ।
कार्यक्रममा सहकारीका शुभला नेपाली,गंगा अधिकारी, संस्थाका शुभेच्छुक मोहन राई,बिक्रम राई लगायतको उपस्थिती रहेको थियो । गन्तब्य नेपालका संयोजक कर्ण नाल्बोले उक्त रकम संस्थाका शुभेच्छुक तथा पदाधिकारीहरुबाट संकलन गरेर बिरामीको लागि पठाउनुभएको थियो ।
