जेठ २७, विराटनगर । चालु आर्थिक वर्षको १० महिनामा मात्र मोरङमा सवारी दुर्घटनाबाट ७८ जनाले ज्यान गुमाएका छन् । चालु आर्थिक वर्षको साउनदेखि वैशाख महिना भित्रमा मात्र विभिन्न ५ सय ९३ सवारीका साधन दुर्घटना हुँदा ७८ जनाको ज्यान गएको हो ।
जिल्ला ट्राफिक कार्यालय मोरङको तथ्यांक अनुसार सो आवधिमा ५२ वटा ट्रक, ५२ सार्वजनिक बस, जिप तथा कार ७०, ट्याक्टर ३१, टेम्पु ३६, मोटरसाइकल ३ सय ८, शारिरिक शक्तिबाट चल्ने ४२ र अन्य २ वटा सवारी साधन दुर्घटना हुँदा ७८ जनाको मृत्यू, २ सय १२ जना गम्भिर घाइते र ५ सय २१ जना सामान्य घाइते भएका हुन् ।
यस्तो छ मासिक दुर्घटना विवरण, सबैभन्दा बढी मोटरसाईकल दुर्घटना
चालु आर्थिक वर्षको साउन महिनामा मात्र ५८ वटा सवारी दुर्घटना भएकोमा ८ जनाको मृत्यु भएको छ भने २८ जना गम्भिर र ६७ जना सामान्य घाइते भएका छन् । जिल्ला ट्राफिक कार्यालय मोरङको तथ्यांक अनुसार भदौ महिनामा ६५ वटा सवारी साधन दुर्घटना भएकोमा ६ जनाको मृत्यु, २७ जना गम्भिर घाइते र ५५ जना सामान्य घाइते भएका छन् ।
त्यसैगरी असोजमा ५२ वटा सवारी दुर्घटना भएकोमा ८ जनाको मृत्यू, २० जना गम्भिर घाइते र ३७ जना सामान्य घाइते भएका छन् । कात्तिक महिनामा ६० वटा सावारी साधन दुर्घटना हुँदा ९ जनाको मृत्यू, २२ जना गम्भिर घाइते र ७५ जना सामान्य घाइते भएको जिल्ला ट्राफिक कार्यालय मोरङले जनाएको छ ।
कार्यालयका अनुसार चालु आर्थिक वर्षकै मंसिर महिनामा ७४ वटा सवारी साधन दुर्घटना भएका छन् । उक्त सवारी दुर्घटनामा १० जनाको ज्यान गएको छ भने २० जना गम्भिर घाइते र ७५ जना सामान्य घाइते भएका छन् ।
त्यस्तै पुस महिनामा ५२ वटा सवारी साधन दुर्घटना हुँदा ७ जनाको मृत्यू, १३ जना गम्भिर र २८ जना सामान्य घाइते भएका छन् । माघमा ५७ वटा सवारी साधन दुर्घटना भएकोमा ७ जनाको मृत्यू, १२ जना शक्त घाइते र ३६ जना सामान्य घाइते भएका छन् ।
त्यसैगरी फागुन महिनामा ४७ वटा सवारीका साधन दुर्घटना भएका छन् । उक्त दुर्घटनामा ७ जनाको मृत्यू, १९ जना गम्भिर घाइते र ४६ जना सामान्य घाइते भएको तथ्यांकमा उल्लेख छ ।
चालु आर्थिक वर्षकै चैत महिनामा ६३ वटा सवारी दुर्घटनामा ७ जनाको मृत्यू, ३५ जना गम्भिर घाइते र ५७ जना सामान्य घाइते भएको जनाइएको छ । वैशाख महिनामा मात्र पनि ६५ वटा दुर्घटना भएका छन् । जसमा १० जनाको ज्यान गएको छ भने १६ जना गम्भिर घाइते र ४५ जना सामान्य घाइते भएको तथ्यांकमा उल्लेख छ ।
चालु आर्थिक वर्षको बैशाख मसान्त सम्ममा भएका ५ सय ९३ सवारी दुर्घटनामा सवै भन्दा बढी ३ सय ८ वटा मोटरसाईकल दुर्घटना भएको छ ।
सवारी दुर्घटना न्यूनिकरण गर्न लागेका छौँः प्रहरी निरिक्षक पोखरेल
जिल्ला ट्राफिक प्रहरी कार्यालय मोरङका प्रमुख प्रहरी निरिक्षक शिवकुमार पोखरेलले जिल्लाम सवारी दुर्घटना न्यूनिकरण गर्नका लागि विभिन्न गतिविधि सञ्चालन गरिएको जनाकारी दिए । उनले दुर्घटना न्यूनिकरण गर्न होडिङ बोर्डहरु ठाउँ ठाउँमा राखिएको, जेब्रा क्रसिङ निर्माण, चेक जाँचमा तिब्रता, चालक तथा सहचालकलाई प्रशिक्षण, मापसे जाँच, जनचेतनामुलक लगायतका कार्यक्रमहरु सञ्चालन गरिएको बताए ।
उनले भने ‘जबसम्म आफैँ सचेत भएर सवारी साधन चलाईँदैन तबसम्म दुर्घटना कम हुन गाह्रो छ । हामीले आफ्नो तर्फबाट गर्ने कामहरु गरिरहेकै छौँ ।’
