देबु बानियाँ
बाहुण्डाँगी । नेपाल जेसीजका राष्ट्रिय उपाध्यक्ष अर्जुन अधिकारी ‘मे’ महिनाको अफिसर अफ द मन्थ बनेका छन् ।
नेपाल जेसीजले बुधवार सार्वजनिक गरेको अवार्ड अन्रगर्त उत्कृष्ट कार्य गर्ने नेपाल जेसीजका बोर्डका पदाधिकारीहरु मध्ये अधिकारीले यो महिनाको अवार्ड पाएका हुन् । यो अवार्ड नेपाल जेसीजका राष्ट्रिय अध्यक्ष सिनेटर महेश पौडेलले आफ्नो बोर्डमा भएका पदाधिकारीहरु मध्ये छनोट गरेर दिने गर्नु भएको छ ।
नारायणगढ जेसीजका २०१८ का अध्यक्ष अधिकारी राष्ट्रिय उपाध्यक्षमा रहेर क्षेत्र ‘घ’ अन्तर्गत निरुपित उपाध्यक्षको जिम्मेवारी सम्हाल्दै आउनु भएको छ । लामो समयदेखि सञ्चारको क्षेत्रमा समेत क्रियाशिल अधिकारीले यो अवार्डले आफुलाई थप उत्साहित बनाएको बताउनु भयो ।
