उर्लाबारी । मोरङको रतुवामाई —६ स्थित सौठा माध्यमिक विद्यालयमा पूर्व विद्यार्थी बद्रीप्रसाद घिमिरे र शान्ता घिमिरेले २ लाख बराबरको अक्षयकोष खडा गर्नुभएको छ ।
विद्यालयका शैक्षिक स्तरोउन्नती गर्ने उदेश्यले घिमिरे दम्पत्तिले आफ्ना स्वर्गिय बुवा अंगीराप्रसाद घिमिरे र आमा अयोध्या घिमिरेको स्मृतिमा सो अक्षयकोष खडा गर्नुभएको हो । २ लाख नगदको ब्याजबाट विद्यालयमा वर्षेनी एईई परीक्षामा उत्तिर्ण एक एक जना छात्रछात्रालाई छात्रबृत्ति प्रदान गरिने विद्यालयका प्रअ लक्ष्मी कोईरालाले बताएका छन् । प्रअ कोईरालले दाता घिमिरेको सहयोग प्रति आभार प्रकट गर्दै अक्षयकोषले शैक्षिक गतिविधीमा काम गर्न सहजता भएको बताए । नेपाल सरकारका उपसचिवबाट सेवा निवृत भएका घिमिरेले २०३५ सालमा सो विद्यालयबाट एसएलसी परीक्षा उत्तिर्ण गरेका थिए ।
