मोरंङको सुन्दरहरैचा-३ स्थित पूर्व-पश्चिम राजमार्गमा आज बिहान भएको सवारी दुर्घटनामा एक जनाको मृत्यु भएको छ भने दुई जना घाइते भएका छन्। पूर्वबाट पश्चिम तर्फ आउँदै गरेको को.२ च १८६१ नं को पिक अपले सोहि दिशा आउँदै गरेको को.२२ प २४८४ नं को स्कूटरलाई ठक्कर दिँदा अनियंत्रित भई बिपरीत दिशा तर्फ आईरहेको को. १ ख ३५०५ नं को मिनी ट्रकमा ठोकिदा दुर्घटना भएको हो। दुर्घटनामा स्कूटर चालक मोरंग पथरी शनिश्चरे-८ बस्ने ३० वर्षीय नानी माया लिम्बु , ६ वर्षीय रोबिन लिम्बू घाइते भएका छन् भने उर्लाबारी ९ कि ४२ वर्षीय यमुना वास्तोलाको टाउकोमा गम्भिर चोट लागेकोले बिराट नरसिंह होम बिराटनगरमा उपचारको क्रममा मृत्यु भएको छ। घाइतेको विराटनगर स्थित बिराट नरसिंह होममा उपचार भइरहेको छ भने पिक अपलाई प्रहरी चौकी गछियाले नियन्त्रणमा लिएको छ। बास्तोला उर्लाबारी ९ दुर्गापुरी स्थित शिशु शिक्षा सदनमा शिक्षण पेसामा लामो समय देखि कार्यरत थिईन् ।
