असार १५, काठमाडौँ । धादिङमा बस र दुईवटा माइक्रोबस ठोक्किँदा २ जनाको मृत्यु भएको छ भने २५ जना घाइते भएका छन् ।
काठमाडौंबाट चितवन तर्फ आउँदै गरेको लु १ ख ९०७९ नम्बरको बस र चितवनबाट काठमाडौं जाँदै गरेको बा ३ ख १००४ नम्बरको र बा २ ख ४५६७ नम्बरको माइक्रो बस धादिङको बेनिघाट रोराङ गाउँपालिका–७ कृष्णभीर स्थित पृथ्वी लोकमार्गमा एकापसमाा ठोक्किँदा २ जनाको मृत्यु भएका हो ।
मृत्यु हुनेमा धादिङ महादेवस्थान ८ का २७ वर्षका श्यामकुमार श्रेष्ठ रहेका छन् । मृतक युवतीको भने पहिचान खुल्न सकेको छैन । उनीहरुको शव गजुरी अस्पतालमा राखिएको प्रहरीले जनाएको छ ।
घाइतेमध्ये १८ जनालाई उपचारका लागि काठमाडौं रेफर गरिएको छ ।
प्रहरीले बा३ख १००४ नम्बरको बसका चालक नवलपरासी मध्यबिन्दु नगरपालिका ७ का २७ वर्षका रबिन खड्कालाई जोगिमारा प्रहरी चौकीले नियन्त्रणमा लिएको जानकारी दिइएको छ ।
दुर्घटनाको कारण खुल्न बाँकी छ । थप अनुसन्धान भइरहेको प्रहरीले जनाएको छ ।
