उर्लाबारी । मोरङको उर्लाबारी—९ दुर्गापुरीस्थित वैभव लक्ष्मी वचत तथा ऋण सहकारी लिमिटेडले आज बिहान नमुना वाल गृह उर्लाबारीलाई खाद्यन्य सहयोग गरेको छ ।
सस्थाको १० औं स्थापना दिवसको अवसरमा सामाजिक उत्तरदाहित्य निभाउदैं खाद्यन्य सहयोग गरिएको अध्यक्ष श्याम नेपालले जानकारी बताउनुभयो । बिहान वाल गृहमा अध्यक्ष नेपाल सहित संस्थाका पदाधिकारीहरुले संयुक्त रुपमा खाद्यान्यका समाग्रीहरु गृहकी अध्यक्ष मीना बराललाई हस्तान्तरण गर्नुभएको थियो ।
सोहि अवसरमा गृहमा आश्रीत ४६ जना वालवालिकालाई दहि चिउरा खुवाइएको थियो । अध्यक्ष श्याम नेपालले गृहलाई सहयोग गर्न पाउँदा खुशी लागेको बताउनुभयो । ‘हामीले एक सन्तान, दश सन्तानको आमा सुनेका थियौ मिना दिदी ४६ जनाको आमा हुनुहुन्छ, जसले अनाथ वालवालिकालाई आश्रय दिनुभएको छ , हामीले सहयोग गनृ पाउँदा ठुलो परोपकारी काममा सहयोग गरेको अनुभूति गरेका छौ ।
https://www.youtube.com/watch?v=FpZlbUXEy6c&t=56s
नेपालले एक जना सन्तान हुर्काउन पनि अभिभावकले कष्ट बेहोरिरहेको समयमा ४६ जना सन्तान हुर्काउनु उदाहरणीय काम भएको बताउनुभयो । गृहकी अध्यक्ष मीना बरालले सहकारी प्रति धन्यवाद तथा आभार प्रकट गर्दै गृह दाताहरुको भरमा दुखसुख सन्चालन भईरहेको बताउनुभयो । 
कार्यक्रममा संस्थाका प्रमुख सल्लाहकार केदार खनाल,तुलशी श्रेष्ठ,रजिन श्रेष्ठ,हेमराज गुरुङ,लब श्रेष्ठ,अग्नि नेपाल,राजु श्रेष्ठ लगायतका युवाहरुको सहभागीता रहेको थियो । कार्यक्रमको सन्चालन देबु तिम्सीनाले गनुभएको थियो ।
