असार १६, संखुवासभा । संखुवासभामा नेपाल प्रहरी र विप्लव समूहबीच गोली हानाहान भएको छ ।
सिलिचोङ गाउँपालिका–१ मा गस्तीका लागि गएको प्रहरी टोली र प्रतिबन्धित विप्लव समूहबीच जम्काभेट हुँदा गोली हानाहान भएको हो । क्षति भने नभएको प्रहरीले जनाएको छ ।
शसस्त्र प्रहरी र नेपाल प्रहरीको संयुक्त गस्तीमा रहेको १९ जनाको प्रहरी टोलीमाथि विप्लवका कार्यकर्ताले गोली चलाएर भागेपछि प्रहरीले जवाफी गोली चलाएको बताइएको छ ।
सुरुमा विप्लव समूहले गोली चलाएर भागेपछि प्रहरीकाे सांकेतिक फायरिङ भएकाे, खासै केही नभएको प्रहरीको भनाइ छ । उक्त टोलीसँग अहिले कुनै सम्पर्क नभएकाे प्रहरीले जनाएकाे छ ।
थप विवरण आउन बाँकी छ ।
