'फेसबुक च्याट'लाई लिएर खुकुरी हाना-हान
'फेसबुक च्याट'लाई लिएर खुकुरी हाना-हान
पोखरा : पोखराको बगरस्थित नयाँगल्लीमा किशोरहरूबीच खुकुरी हानाहान भएको छ। फेसबुक च्याटको विषयलाई लिएर १५ र १६ वर्षे किशोरहरूबीच सोमबार दिउँसो १ बजेतिर खुकुरी हानाहान भएको हो।
कास्कीकोट घर भई बागलुङ बसपार्क बस्ने १६ वर्षका विपिन सुवेदी, १६ कै दिपेश सेन्चूरी, १७ का निकेश पुन, भुवन मगर र लोप्चन राईले अर्को समूहलाई खुकुरीले आक्रमण गरेका थिए। आक्रमणमा लोप्चनको औँला काटिएको छ भने विजयको टाउकोमा चोट लागेको छ।
अर्को समूहमा बगर बस्ने १६ वर्षीय विजय लामा, सोही स्थान बस्ने १५ वर्षीय विकास तामाङ, अधेरीकुना बस्ने १७ का राजन शर्मा र मिरुवाका १७ वर्षीय मिन भण्डारी छन्। घटनाबारे अनुसन्धान भइरहेको जिल्ला प्रहरी कार्यालय कास्कीका प्रवक्ता तथा डिएसपी राजकुमार केसीले जानकारी दिए।
