एजेन्सी । पेरु कोपा अमेरिका फुटबलको फाईनलमा प्रवेश गरेको छ । बिहिबार बिहान भएको खेलमा चिलीलाई ३–० गोल अन्तरले पराजित गर्दै पेरु प्रतियोगिताको फाईनलमा प्रवेश गरेको हो ।
पहिलो हाफमै २–० को अग्रता लिएको पेरुले दोस्रो हाफमा एक गोल गरेको थियो । चिली प्रतियोगिताको साविक विजेता हो ।
२१ औ मिनेटमा एडिन फ्लोरेसले गोल गर्दै खेलमा अग्रता बनाएका थिए । ३८ औ मिनेटमा योशिमार यतुनले अग्रतालाई दोब्बर बनाएका थिए । खेलको अन्तिम मिनेटमा जोस पाओलो गुरेरोले गोल गर्दै टिमको जित सुनिश्चित गरे ।
पेरुले पछिल्लो दुई संस्करणको विजेता चिलीलाई हराउँदै प्रतियोगिताको फाईनलमा प्रवेश गरेको हो ।पेरुले उपाधिका लागि ब्राजिलसंग प्रतिस्धर्पा गर्नेछ । उक्त फाइनल खेल सोमबार बिहान पौने २ बजेदेखि सुरु हुनेछ।
