असार २२, काठमाडौं । बबरमहलमा ट्याक्सीको ठक्करबाट स्कुटरमा सवार व्यक्तिको मृत्यु भएको छ । मृत्यु हुनेमा ओखलढुंगाको सुनकोशी गाउँपालिका–८ का १९ वर्षीय दीपक थापा रहेका छन् ।
बा२ज ११८८ नम्बरको ट्याक्सीले बा८३प ४०३५ नम्बरको स्कुटरलाई ठक्कर दिँदा स्कुटरमा सवार थापाको मृत्यु भएको हो । महानगरीय ट्राफिक प्रहरी महाशाखाका प्रवक्ता रविकुमार पौडेलका अनुसार, स्कुटर चालक काभ्रेपलाञ्चोकको पनौती नगरपालिका–१० का रोहितसिंह ठकुरीको अन्नपूर्ण न्यूरो अस्पताल माइतीघरमा उपचार भइरहेको छ ।
दुर्घटनापछि फरार ट्याक्सी चालकको खोजी भइरहेको छ । राजधानीबाट ।
