काठमाडौं, असार २२
नेपाल कम्युनिष्ट पार्टी माओवादी (नेकपा)ले आज असार २२ गते नेपाल बन्दको घोषणा आह्वान गरेको कुरा हल्ला मात्रै भएको प्रहरीले जनाएको छ।
भ्रष्टाचार, महंगी, बलत्कारी, तस्करी र गुण्डागर्दीको भण्डाफोर गरि सम्पूर्ण राजबन्दी रिहाईको माग गर्दै नेकपाले आज नेपाल बन्दको घोषणा गरेको समाचार विभिन्न सञ्चारमाध्यममा आएका भए पनि यो हल्ला मात्रै भएको प्रहरीले जनाएको हो ।
सरकारले देशका लागि एउटा पनि राम्रो काम नगरेको भन्दै असार २२ गते बन्दको घोषणा गरिएको एउटा विज्ञप्ती समेत बाहिरीएको थियो । नेपाल प्रहरीका अनुसार त्यो विज्ञप्ती नक्कली हुनसक्ने देखिएको छ । प्रहरीले बन्दको आधिकारीक जानकारी छैन्, त्यो हल्ला मात्रै हो भनेर पुष्टि गरेको छ ।
