काभ्रे, २३ असार । काभ्रेमा एक महिलाले सिरिन्ज आक्रमण भयो भन्दै प्रहरीमा उजुरी दिए पछि काभ्रेमा यति खेर तनाव स्थिति सृजना भएको छ । प्रहरीले उत्त उजुरी आउना साथ प्रहरी तत्काल परिचालित भई सिरिञ्ज आक्रमणको आशंकामा एक जनालाई प्रहरीले पक्राउ गरेको हो ।
काभ्रे प्रहरी प्रमुख प्रहरी उपरीक्षक ९एसपी० जयराज सापकोटाले ‘पीडितको भनाई अनुसार खगेन्द्र पाठकले सिरिञ्ज हानेको हो भनेपछि आक्रमणको आशंकामा नियन्त्रणमा लिएको बताए ।
काभ्रे प्रहरी प्रमुख सापकोटाले भने विहान बसमा यात्रा गरेकी एक महिलाले आफूमाथि सिरिन्ज आक्रमण भएको बताएकी थिइन । तत्काल प्रहरी परिचालन पनि भयो ।
शुरुमा स्थानीयले समातेका पाठकलाई जोगाउन प्रहरीलाई हम्मे हम्मे परेको थियो । स्थानीयले पाठकलाई कुटपिट गर्न खोजेपछि प्रहरीले उद्दार गरेर तीन दोबाटोस्थित इलाका प्रहरी कार्यालय लगेको छ ।
बनेपाको चारदोवाटोमा पक्राउ गरिएका पाठकलाई अहिले इलाका प्रहरी कार्यालय बनेपामा राखिएको छ । पाठकलाई नियन्त्रणमा लिएर थप अनुसन्धान भईरहेको एस्पी सापकोटाले जानकारी दिए ।
सञ्चार्कर्मि रोजन तामाङका अनुसार स्थानीयबासीले पठकलाई राखिएको इलाका प्रहरी कार्यालय बनेपा घेराउ गरेका छन् । ।
पाठकले भने आफुले सिरिन्ज आक्रमण नगरेको बताएको प्रहरीको भनाई छ ।
पीडित महिलालाई भने उपचारका लागि शिर मेमोरियल अस्पताल लगिएको सञ्चारकर्मी कपिल कोईरालाले जानकारी दिए ।
