काठमाडौं । डिफेन्डिङ च्याम्पियन नेपालले उपाधि रक्षाका लागि अहिले हङकङसंग खेलिरहेको छ । मलेसियामा जारी एसीसी यू–१९ इस्टर्न रिजन क्रिकेटको उपाधिका लागि फाइनलमा अहिले हङकङसंग खेलिरहेको हो ।
किन्रारा ओभलमा भइरहेको खेलमा नेपालले टस जितेर पहिले बलिङ गरिरहेको छ । नेपालले निकै सशक्त बलिङ गरिरहेको छ । २५ ओभर खेल्दा हङकङले ५० रनमात्र बनाएको छ ।
सागर ढकाल एक्लैले ५ विकेट लिएका छन् । सागरले सोमबार सेमिफाइनलमा मलेसियामाथि ७ विकेटको जित निकाल्दा ३ विकेट लिएका थिए ।
हङकङले सेमिफाइनलमा सिंगापुरलाई डीएल म्याथड अनुसार वर्षाले खेल रोकिँदा ५१ रनको जित पाएको थियो ।
समूह चरणमा अपराजित रहँदै नेपाल समूह विजेता बनेको थियो । पहिलो खेलमा चीनलाई १० विकेटले हराएको नेपालले दोस्रो खेलमा सिंगापुरलाई २१७ रनको फराकिलो अन्तरले पराजित गरेको थियो ।
