विराटनगर – विराटनगर महानगरले प्रदान गरेको पुरस्कार पछि पत्रकार महासंघ मोरङले जारी गरेको प्रेस विज्ञप्ति संगै उत्पन्न समस्या समाधानका विषयमा पत्रकार महासंघ मोरङले बेवास्ता गरेको भन्दै प्रेसयुनियन मोरङले ध्यानाकर्षण गराएको छ ।
प्रेस युनियन मोरङका अध्यक्ष कुमार लुइटेलद्धारा मंगलवार जारी प्रेस विज्ञप्तिमा महासंघद्धारा जारी विज्ञप्ति र त्यसमा प्रयोग भएका शब्दहरुका विषयमा आपत्ती जनाएको छ । पटक –पटक महासंघ संग भएको छलफलमा विज्ञप्तिमा भएका कमजोरी सच्याउने प्रतिवद्धता गरिएपनि हालसम्म कार्यान्वयनमा नआएको भन्दै युनियनले आपत्ती जनाएको छ ।
पत्रकार महासंघले जारी गरेको बिज्ञप्तिमा प्रयोग गरिएका शब्दले पुरस्कृत श्रमजीवी पत्रकारहरुकै मानमर्दन भएको साथै आफ्नै कार्यसमितिका पदाधिकारी तथा सदस्यहरु सम्मानित हुदा महासंघले निरुत्साहित गर्न खोजेको बिज्ञप्तिमा उल्लेख छ ।
पत्रकार महासंघले जारी गरेको बिज्ञप्तिमा प्रयोग गरिएका शब्दहरु भद्धा नाटक ,गौरबशाली ,संस्थाको तेजोवध गर्ने षड्यन्त्र,गैरपत्रकार र केही व्यक्ति तथा झुण्डको इसारा जस्ता शव्द प्रयोग गरिएको भन्दै प्रेस युनियनले आपत्ती जनाएको छ ।
जारी बिज्ञप्तिमा महासंघका सभापतिले पुरस्कृत ब्याक्तिलाई बधाइ दिनु र केही समय नवित्दै पत्रकार महासंघले श्रमजीवी पत्रकारका विरुद्ध बिज्ञप्ति जारी गर्नु बिरोधाभाष भएको उल्लेख छ । यस्तै पत्रकार महासंघ पछिल्लो समय एकलौटी ढंगले सञ्चालन गर्ने मनसायका साथ प्रतुत भएको भन्दै युनियनले आपत्ती जनाएको छ ।
