काठमाडौं । नेपाली कांग्रेसका शभापति शेरबहादुर देउवा र नेतृ आरजु देउवाले संयुक्त रुपमा हिजो अबेर सम्म बुढानिलकण्ठ निवासमा श्रीमदभागवत सप्ताह ज्ञान महायज्ञको समापनमा लागि परे ।
हिजो सातौं दिनको सप्ताह ज्ञान महायज्ञ सकेर गुरु, पाहुना र नेता कार्यकर्ताहरुको विदाईमा खटिए । उनीहरुको धर्म प्रतिको आस्था र लगावले आम नागरिक समेत छक्क परे । कांग्रेसमा मात्र होइन मुलकभर उक्त महायज्ञको चर्चा भयो ।
मुलुकभर हिन्दुराष्ट्रको चर्चा भइरहेका बेला देउवा दम्पतीको महायज्ञलाई पनि उत्तिकै बहसको विषय बनाइएको छ ।
केही वर्षअघि सुनसरीको चतरामा भएको एउटा महायज्ञमा तत्कालिन एमाओवादी अध्यक्ष हाल नेकपाका दोस्रो अध्यक्ष पुष्पकमल दाहाल प्रचण्डले भैंसी पूजा गरेको खुब चर्चा भएको थियो ।
प्रचण्ड स्वयम धर्म नमान्ने कम्युनिष्ट नेता भएको बताइएको समयमा उनले गरेको भैसी पुजाको चौतर्फी विरोध भएको थियो ।
उनी प्रधानमन्त्री हुदाँ भैसी पुजा गरेको भन्दै कम्युनिष्ट नेताहरुले समेत खुलेर प्रचण्डको आलोचना गरेका थिए । तर शभापति देउवाको यो यज्ञलाई बिरोध भन्दा पनि सहजरुपमा आमनागरिकले लिएका छन् ।
मुलुकभर र छिमेकी राष्ट्र भारतले समेत नेपाललाई हिन्दु राष्ट्र देख्न चाहेको भन्दै चर्को आवाज घन्किरहेका बेला शभापति देउवा दम्पती धर्मकर्ममा जुट्नुलाई संयोग मात्र मान्न सकिन्न ।
कम्युनिष्ट नेता प्रचण्डले गरेको भैंसी पूजा सेलाए पनि कांग्रेस शभापति देउवाले गाई समाए हिन्दुत्वको महत्व अथ्र्याएको धार्मिक विश्लेषकहरुको ठहर छ ।
महायज्ञसँगै देउवा दम्पतीले गाईको पुच्छर समाएर थप धार्मिक महत्व दर्साउन भुमिका खेलेका छन् । महायज्ञमा विभिन्न पार्टीका नेता, कार्यकर्ता लगायत विभिन्न क्षेत्रका गन्यमान्यहरुको बाक्लो उपस्थिती थियो ।
देउवा पत्नि एवं नेतृ आरजु देउवाको प्रमुख अगुवाईमा उक्त सप्ताह ज्ञान महायज्ञ सम्पन्न भएको थियो । महायज्ञ पवित्र कार्यक्रम असार १९ गतेदेखि २५ गते सम्म चलेको थियो ।
