चितवन । चितवनको इच्छाकामना गाँउपालिका ५ नाग्दी खोलाबाट ट्रक त्रिशुली नदीमा खसेको छ । भैरहवाबाट मल बोकेर काठमाडौं जाँदै गरेको ना ४ ख १७९६ नम्बरको ट्रक माथि बाट झरेको पहिरो बचाउन खोज्दा करिब राती करिब साँढे एक बजेको समयमा त्रिशुलीमा खसेको हो ।
यस्तै, मृत्यु हुनेमा ट्रकका सहचालक दाङ घोराही बस्ने २५ बर्षिय अनिल गुरुङ रहेका छन् भने सोही ट्र्कका चालक ललितपुर बस्ने ४६ बर्षिय माधव थापा मगरको भने पुरानो मेडिकल कलेजमा उपचार भईरहेको छ ।
घाइतेलाइ राती नै इलाका प्रहरी कार्यलय मुग्लिङबाट खटिएको प्रहरीले उद्दार गरेको भएपनि दुर्घटना पश्चात् वेपत्ता भएका सह चालकको शव सशस्त्र प्रहरीको विपद् ब्यवस्थापन तालिम केन्द्र कुरिनटारबाट खटिएको तालिम प्राप्त सशस्त्र प्रहरीका गोताखोरले बिहान करिब ७ : ३० बजे मात्रै नदी भित्र छिरेर निकालेको थियो । शवलाई अहिले भरतपुर अस्पताल ल्याईएको छ ।
