भदौ १३ गतेबाट प्रदर्शनमा आउने चलचित्र ‘मारुनी’को ‘सक्दिन म बाच्न’ बोलको नयाँ रोमान्टिक गीत सार्वजनिक गरिएको छ । गीतमा चलचित्रका मुख्य कलाकार साम्राज्ञी राज्यलक्ष्मी शाह र पुष्प खड्का फिचर्ड छन् । सुरेश वाग्लेको शब्द रहेको गीतमा अर्जुन पोखरेलको संगीत रहेको छ भने मेलिना राईको स्वर रहेको छ ।
चलचित्रमा साम्राज्ञी र पुष्पको साथमा रेविका गुरुङ, आयुष प्रधान, अर्जुन श्रेष्ठ, शंकर सेढाई, बिनोद भट्टराई र सुशील क्षेत्री लगायत कलाकारको अभिनय रहेको छ । गीतको भिडियोमा विक्रम लामा र एन्जिला खत्रीको कोरियोग्राफी रहेको छ ।
पुनम इन्टरटेनमेन्टको व्यानरमा निर्माण भएको चलचित्रलाई नवल नेपालले निर्देशन गरेका छन् भने पुनम गौतमले लगानी गरेका छन् । चलचित्रमा सह निर्माताको रुपमा राजा प्रधान, दर्शन केसी र मिना क्षेत्री रहेका छन् । भदौ १३ गतेबाट प्रदर्शनमा आउने चलचित्रको कथा, पटकथा तथा संवाद गोविन्द फुँँयाल र निर्देशक नवल नेपालले मिलेर लेखेका हुन् ।
