रातोकलम अनलाइन!
सेउल,साउन-७
कोरियामा गठित प्रबासीहरुको साझा चौतारी रामेछाप र सिन्धुपाल्चोक सम्पर्क समितिले मङ्गोलियन हर्ट नामक कन्सर्टको आयोजना गर्ने भएको छ।आयोजकका अनुसार “ प्रवासी एकता आजको आबश्यकता सामाजिक सेवामा हाम्रो प्रतिबद्दता” भन्ने नारा सहित साङ्गितिक कार्यक्रम गर्न लागिएको हो।
दुर्गम भेगको शिक्षा र स्वास्थ्य क्षेत्रमा सहयोगार्थ आयोजना गर्न लागिएको “ मंगोलियन हर्ट लाइभ सांगीतिक धमाका २०१९ अर्थात छुसकको पहिलो दिन आयोजना गरिएको छ।उक्त समितीको संयुक्त आयोजनामा हुने कार्यक्रममा नेपाल बाट चर्चित र ख्याती प्राप्त कलाकारहरुको प्रस्तुति रहने छ।
सो साङ्गितिक कार्यक्रमका लागि चर्चित आधुनिक तथा पप गायक राजु लामा,आस्था राउत,नेपाल आइडल सिजन-१ का तेस्रो बिजेता प्रताप दास र नृत्य प्रस्तुति दिन अञ्जली अधिकारी,प्रकाश कट्वाल आउने भएका छन।भने आयोजकका अनुसार कार्यक्रम दक्षिण कोरियाको राजधानी सेउलमा सेप्टेम्बर-१२ तारिक हुने छ।
