साउन ९, २०७६ काठमाडौं :
सत्तारुढण दल नेपाल कम्युनिष्ट पार्टीको स्कुल विभागमा कुरा मिल्न नसक्दा सचिवालय बैठक अनिश्चित भएको छ । दुई अध्यक्षले पर्याप्त गृहकार्य गर्न नसकेको भन्दै साउन ७ गतेका लागि डाकिएको सचिवालय बैठक आज (बिहीबार) का लागि सारिएको थियो।
आज डाकिएको सचिवालय बैठक नेकपाका संस्थापक नरबहादुर कर्मचार्यको छैटौं स्मृति दिवसमा नेताहरु व्यस्त हुनुपरेको भन्दै स्थगित गरिएको हो । तर नेताहरु नारायणकाजी श्रेष्ठ र इश्वर पोखरेलले दाबी गरेको स्कुल विभागमा दुई अध्यक्ष निचोडमा पुग्न नसक्दा सचिवालय स्थगित भएको हो।
विभाग प्रमुखहरुको टुंगो लगाउन दुई अध्यक्षले गृहकार्य नपुगेको बताएपछि सचिवालय बैठक स्थगित भएको हो । नेकपाका प्रवक्ता नारायणकाजी श्रेष्ठलेले दुई अध्यक्षले विभाग प्रमुखहरुबारे निर्णय लिइनसकेकाले बैठक स्थगित भएको बताए ।
नेकपामा अन्य विभागहरुमा ठुलो विवाद छैन। तर स्कुल विभागमा भने गुटगतरुपमा विवाद सतहमा आएको छ। पूर्वमाओवादी समूहले इश्वर पोखरेललाई अस्वीकार गर्ने बताइएको छ। यता पोखरेलसँगै प्रवक्ता नारायणकाजी श्रेष्ठले पनि स्कुल विभागमा दाबी गरेपछि दुवै नेताको विकल्प खोजिएको हो । विकल्पका रुपमा वरिष्ठ नेता झलनाथ खनालको नाम चर्चामा आएको थियो । तर अहिले अध्यक्षले नै स्कुल विभाग राख्ने निचोडतर्फ पुगेका छन्।
http://ratokalam.com/%e0%a4%aa%e0%a5%8b%e0%a4%96%e0%a4%b0%e0%a5%87%e0%a4%b2-%e0%a4%b0-%e0%a4%b6%e0%a5%8d%e0%a4%b0%e0%a5%87%e0%a4%b7%e0%a5%8d%e0%a4%a0-%e0%a4%a6%e0%a5%81%e0%a4%b5%e0%a5%88%e0%a4%b2%e0%a5%87-%e0%a4%b8/
