काठमाडौं । राष्ट्रिय परीक्षा बोर्डले आज (सोमबार) कक्षा १२ को परीक्षाफल प्रकाशित गर्ने भएको छ। गत वैशाख २६ गतेदेखि सञ्चालित कक्षा १२ को परीक्षाको नतिजा आज सार्बजनिक हुने भएको हो। परीक्षामा साढे चार लाख विद्यार्थीले परीक्षा दिएका थिए।
यसअघि (विज्ञान र अन्य विषयको) दुई चरणमा आउने गरेको परीक्षाफल यसवर्ष भने बोर्डले सबै विषयको परीक्षाफल एकैचोटि प्रकाशन गर्न लागेको छ।
बोर्ड स्रोतका अनुसार आइतबार परीक्षार्थीको सम्पूर्ण प्राप्ताङ्कलाई रुजु गरेर कम्प्युटरमा इन्ट्री गरिसकिएकाले सोमबार नतिजा प्रकाशन गर्न लागिएको हो । परीक्षाफल प्रकाशनका लागि आज साँझ बोर्ड बैठक बस्दै छ।
