साउन १७, काठमाडौं । नख्खु कारागारमा एक जना कैदीको मृत्यु भएको छ ।
शुक्रबार दिउँसो भएको झडपमा नख्खु कारागारमा जेल जीवन बिताइरहेका पूर्ण बहादुर राजीको मृत्यु भएको हो ।
झडपपछि गम्भीर घाइते भएका उनलाई उपचारका लागि वीर अस्पताल लैजाने क्रममा बाटोमै मृत्यु भएको हो । प्रहरीका अनुसार पवनकुमार महतोले भुइँमा विच्छ्याइएको ब्लकले पूर्णबहादुरको टाउकोमा प्रहार गरेका थिए ।
मृतक पूर्णबहादुर र आक्रमण गर्ने पवन दुवै कर्तव्य ज्यान मुद्दाका कैदीबन्दी हुन् ।
घटनाबारे थप विवरण आउन बाँकी छ । अनुसन्धान भइरहेको प्रहरीले जनाएको छ ।
