काठमाडौं, २० साउन । नेपाली कांग्रेसभित्र हिन्दू राष्ट्रको एजेण्डा जीवनभर बोकेका नेता खुमबहादुर खड्काको बिडो थाम्न अहिले केन्द्रिय सदस्य शंकर भण्डारी कस्सिएका छन् ।
हिन्दु राष्ट्रको विषयले कांग्रेसमा बेलाबेला चर्चा पाए पनि मूर्त रुप पाउन नसकेको बेलामा केन्द्रीय कार्य समितिको बैठक बसिरहेको छ । जारी बैठकमा सदस्य भण्डारीले हिन्दू राष्ट्रको विषय उठाउने बताउँदै आएका छन् ।
भण्डारीले सार्वजनिक कार्यक्रमहरूमा हिन्दू राष्ट्रको कुरा उठाउने गरेका छन् । कांग्रेसभित्र नेता भण्डारीले मात्रै जोडदार रुपमा हिन्दू राष्ट्रको पक्षमा आवाज उठाउने गरेका हुन् ।
महामन्त्री डा. शशांक कोइरालाले पनि हिन्दू राष्ट्रको पक्षमा बेलाबेला अभिव्यक्ति दिने गरेका छन् । डा.कोइरालाले हिन्द ूराष्ट्रको पक्षमा बोले पनि उनले स्पष्ट रुपमा एजेण्डा बोक्न सकेको छैनन् ।
हिन्दू राष्ट्रको पक्षमा उनको दोहोरो चरित्रले कांग्रेसका नेता तथा कार्यकर्ताहरू आश्चर्यमा परेका छन् । अर्का नेता डा.शेखर कोइरालाले पनि हिन्दू राष्ट्रको पक्षमा झिनो स्वरमा अभिव्यक्ति दिँदै आएका छन् ।
उनले पनि जिब्रो चपाएको कांग्रेसभित्र हिन्दू राष्ट्रको पक्षमा आवाज उठाउनेहरूले आरोप लगाउने गरेका छन् ।नेपाली कांग्रेसका नेता कृष्णप्रसाद सिटौला नै नेपाललाई धर्म्निरपेक्ष बनाउन सक्रिय भएर लागेको आरोप छ ।
दोस्रो जनआन्दोलनपछि महत्वपूर्ण पदमा रहेका सिटौलाले अन्तरिम संविधान बनाउने क्रममा हिन्दूराष्ट्रको शब्द हटाएर धर्मनिरपेक्षता बनाउन भूमिका खेलेको आरोप कांग्रेसी स्वयं लगाउछन् । अभियान टाइम्सका साथमा ।
