काठमाडौं- नेपाली कांग्रेस र राजपाले सरकारलाई संसदप्रति उत्तरदायी बनाउन सदनमा नाराबाजी गर्नुपर्ने अवस्था आएको जानकारी दिएका छन् ।
२७ दिनदेखि जारी संसदको अवरोध हटाउँदै नेपाली कांग्रेसले मानवअधिकारको विषयमा सरकारलाई जिम्मेवार बनाउन संसद अवरोधको अवस्थासम्म पुग्नु परेको जानकारी दिएका हुन् ।
प्रतिनिधि सभाको सोमवार बसेको बैठकको शुरूमै सभामुखसँग समय लिएर बोलेकी प्रमुख प्रतिपक्षि दल नेपाली कांग्रेसकी सचेतक पुष्पा भुसालले संसदलाई गतिशिल बनाउनु पर्दछ भन्ने प्रतिपक्षको मान्यता रहेको बताइन् ।
सरकारलाई संसदप्रति उत्तरदायी बनाउन आफूहरूले लोकातन्त्र र मानव अधिकारको विषयलाई सदनमा प्रवेश गराइएको भुसालले बताइन ।
‘प्रमुख प्रतिपक्षी दलले उठाएका मागको सम्बोधनका लागि सभामुखको प्रभावकारी भुमिकाको अपेक्षा राखेका छौं’ भुसालले भनिन् । राजपाका राजकिशोर यादवले सभामुखले रुलिङ गरिसकेको विषयमा सरकार गम्भीर नभएकोले संसदको बेलमा नारावाजी गर्नुपर्ने अवस्था सिर्जना भएको समेत जानकारी दिए ।
