काठमाडौं – शालिकराम पुडासैनी प्रकरणले राजधानीको टोखामा एकजना वृद्धले ‘हृदयघात’बाट ज्यान गुमाउन परेको छ ।
चितवनको कंगारु होटलमा मृत भेटिएका माउण्टेन टेलिभिजनका पत्रकार शालिकराम पुडासैनीले प्रेमिकासँग भेट्न छुट्टै कोठा भाडामा लिएको घरमा बस्दै आएका तारानाथ अधिकारीको सोमबार साँझ हृदयघातका कारण निधन भएको हो ।
लगातार खानतलासीका लागि प्रहरी आउन थालेपछि छोरी गोमा न्यौपानेको घरमा बस्दै आएका ९० वर्षीय अधिकारीलाई हृदयघात भएको परिवारजनले बताएका छन् । सोमबार साँझ हृदयघात भएलगत्तै उनको मृत्यु भएको थियो ।
९० वर्षको उमेरमा पनि स्वस्थ रहेका अधिकारी तारन्तार खानतलासीका लागि प्रहरी घरमा आउन थालेयता तनाबमा परेका पारिवारिक श्रोतले बताएको छ ।
पुडासैनीले उक्त घरमा प्रेमिकालाई भेट्न कोठा बहालमा लिएका थिए । घरधनीका अनुसार प्राय जसो शनिबारका दिन प्रेमिका लिएर पुडासैनी उक्त कोठामा पुग्ने गरेका थिए ।
