चितवन । पत्रकार सालिकराम पुडासैनी आत्महत्या दुरुत्साहन अभियोगमा पक्राउ परी धरौटीमा रिहा भएका टिभि प्रस्तोता रवि लामिछाने र युवराज कडेलले मंगलबार बिहान पत्रकार सम्मेलन गरेका छन् ।
उनले आज मंगलबार दिउँसो २ : 00 बजे नारायणी किनारामा कार्यक्रम गर्दै सबै समर्थकलाई धन्यवाद ज्ञापन गर्ने कार्यक्रम रहेको जानकारी दिएकाछन् ।
आफ्नो रिहाईका लागि गरिएका प्रयासका लागि सबैलाई धन्यवाद दिएका छन् । उनले सकेसम्म सबैलाई भेटेर नै धन्यबाद पनि बताएका छन् ।
उनले न्यूज २४ बाट प्रसारित हुने कार्यक्रम ‘सीधा कुरा जनतासंग’ आगामी शनिबार (भदौ १४ गते) बाट निरन्तरता दिने बताएका छन् ।
चितवनस्थित ग्लोबल होटलमा गरिएको कार्यक्रमा लामिछानेले हिरासतमा रहँदा आफूलाई थप उर्जा मिलेको , जनतासंग सिधा कुरा कार्यक्रम थप सशक्त बनाएर लैजाने बताएका छन् ।
उनले पत्रकार सम्मेलनमा भने, ‘म त्यो दिन स्टुडियो जान पाएको भए मैले प्रमाणित गर्थें । अब सम्मानित अदालतले मलाई यो मुद्दाबारे केही नबोल्न भनेको छ ।
यो मुद्दाको अन्तिम किनारा नलागेसम्म नबोल्नु भनेकाले मैले बोल्नुहुँदैन ।’
उनले यो घटनालाई लिएर जति पनि पक्राउ परका छन् उनीहरुको तत्काल रिहाइका लागि माग गर्ने पनि बताएका छन् ।
