बाहुण्डाँगी । नेपाल जेसीजका राष्ट्रिय अध्यक्ष जेसीआई सिनेटर पर्यटन वर्ष २०२० को मुल कमिटिको कार्यकारीणी सदस्य पदमा मनोनित हुनु भएको छ ।
पर्यटन बोर्ड तथा नेपाल सरकारले सिनेटर पौडेललाई मुल कमिटिको कार्यकारीणी सदस्य पदमा मनोनित गरेको हो ।
नेपाल सरकारले सन २०२० लाई पर्यटन वर्षका रुपमा मनाउने तयारी गरिरहेको छ । सोही वर्षलाई सफल बनाउन नेपाल जेसीजका राष्ट्रिय अध्यक्ष सिनेटर पौडेललाई सदस्यमा मनोनित गरेको हो । जेसीज अन्तराष्ट्रिय संस्था हो । जसमा जेसीजका माध्यमबाट अन्तराष्ट्रिय जेसीज युवाहरुलाई समेत नेपाल भित्र्याउन महत्वपूर्ण माध्यम नेपाल जेसीज बन्नेछ । राष्ट्रिय अध्यक्ष पौडेललाई कार्यकारीणी सदस्य पदमा मनोनित गरेपछि यतिबेला जेसीज युवाहरुले गर्वको महसुस गर्दै सिनेटर पौडेललाई बधाई तथा शुभकामना दिइरहेका छन् । ‘हामी जेसीज युवाहरुका लागि ठूलो सफलता र गर्वको विषय हो’ वर्ष २०१७ का राष्ट्रिय अध्यक्ष सिनेटर प्रकाशप्रसाद अधिकारीले भन्नु भयो–‘नेपाल सरकारले जेसीज युवाहरुको माध्यमबाट पर्यटन वर्ष सफल बनाउन सहयोग पुग्छ भन्ने विश्वासका साथ हामीलाई सम्झेको छ । यो हामी आम जेसीज युवाहरुको सफलता हो ।’ देशका जेसीज युवाहरुले सामाजिक सञ्जाल मार्फत अध्यक्ष पौडेललाई बधाई तथा शुभकामना दिइरहेका छन् ।
