जाजरकोट । आज बिहान आएको पहिरोले पुरिँदा जाजरकोटमा तीन वर्षीया बालिका सहित ३ को मृत्यु भएको छ । जिल्लाको भेरी नगरपालिका–२ तिमीमा पहिरोले घर बगाउँदा एकै परिवारको ३ जनाको मृत्यु भएको हो ।
मृत्यु हुनेमा स्थानीय ३२ वर्षीया पार्वती वली (आमा), नौ वर्षीया मोतीकला र तीन वर्षीया धनसरा (छाेरीहरू) रहेको जिल्ला प्रहरी कार्यालय जाजरकोटका डिएसपी श्याम खत्रीले जानकारी दिएका छन् । डिएपी खड्काका अनुसार पहिरो आज विहान पौने दुई तिर गएको थियो ।
चार जनाको परिवार रहेकामा पार्वतीका श्रीमान बलबहादुर घरबाहिर सुतेकाले पहिरोबबाट बचेका छन् । अहिले घटनास्थलमा पुगेर प्रहरी र सशस्त्र प्रहरीको टोलीले उद्धारका गरिरहेको डिएसपी खत्रीले जानकारी दिएका छन् ।
