तिहारको अवसर पारेर कात्तिक ८ गतेबाट प्रदर्शनमा आउन लागेको चलचित्र ‘पोइ र्पयो काले’ को पोस्टर सार्वजनिक गरिएको छ । सार्वजनिक पोस्टरमा चलचित्रका मुख्य कलाकार सौगात मल्ल, पूजा शर्मा, आकाश श्रेष्ठ, सृष्टि श्रेष्ठ र सोहित मानन्धर लगायत कलाकार फिचर्ड छन् ।
चलचित्रमा आकाश श्रेष्ठ ,पूजा शर्मा ,सौगात मल्ल र सृष्टि श्रेष्ठको साथमा सोहित मानन्धर, राजाराम पौडेल, बिन्दा खतिवडा, जयनन्द लामा लगायत कलाकारको पनि अभिनय रहेको छ । यस चलचित्रको मुल कथा अभिनेता सौगातको वरिपरि घुमेको छ । मल्टीस्टारर चलचित्रमा सौगातको जोडी पूजा हुन् वा सृष्टि भन्ने रहस्य निर्माण टिमले अहिलेसम्म खुलाएको छैन ।
कमेडी कथावस्तुमा आधारित भएर बनेको चलचित्रलाई शिशिर राणाले निर्देशन गरेका छन् । यस चलचित्रमा तारा प्रकाश 'किम्भे' सम्पादनमा रहेका छन् भने श्याम बहादुर थापा चलचित्रको प्रस्तुतकर्तामा रहेका छन् । दिपक मनाङ्गे र अ. देवि राईको लगानीमा निर्माण भएको चलचित्रमा किरण नेपाली र रधु परियार कार्यकारी निर्मातामा छन् ।
