काठमाडौं, १८ भदौ । नेपाली कांग्रेसका सांसद गगन थापाले प्रधानमन्त्रीको अर्को विकल्प खोज्न आग्रह गरेका छन् । प्रधानमन्त्रीको स्वास्थ्य अवस्थालाई मध्यनजर गर्दे उनले अर्को विकल्प खोज्न आग्रह गरेको हुन् ।
प्रतिनिधिसभाको बुधबारको बैठकको विशेष समयमा बोल्दै सांसद थापाले संसदमा नेकपाको बहुमत रहेको र सजिलैसँग संसदले नयाँ प्रधानमन्त्री छान्न सक्ने बताए ।
कार्यकारी प्रमुख लामो समय सम्म देश बाहिर बस्दा मुलुकको राष्ट्रिय सुरक्षा तथा कुटनीतिक मर्यादा आदिमा जोखिम उत्पन्न हुने भन्दै प्रधानमन्त्रीलाई धेरै धपेडी नगर्न आग्रह गरे ।
बुधबारको प्रतिनिधिसभाको विशेष समयमा बोल्दै थापाले प्रधानमन्त्रीको स्वास्थ्य अवस्थाबारे सम्पूर्ण जानकारी नआएको भन्दै उनले शीघ्र स्वास्थ्य लाभको कामना गरे ।
प्रत्येक दुई।तीन महिनामा दस बाह्र दिन देश बाहिर गएर टेलिप्रिजेन्समार्फत् मन्त्रीहरूको ब्रिफिङ लिएर देश चलाउने कुराबाट शासकीय जिम्मेवारी पूरा हुन नसक्ने बताए । नेपालको आन्दोलन र शान्ति प्रक्रियामा ठूलो योगदान पुर्याउनएको , ठूलो राष्ट्रिय जिम्मेवारी पूरा गरेको र स्वाभिमानको लडाइँमा अथक योद्धा प्रधानमन्त्री लामो समयसम्म हाम्रो बीचमा अभिभावकको रुपमा देख्न चाहाने उल्लेख गरे
