काठमाडौँमा एक कार्येक्रमको बीच नेपाली चलचित्र ‘पोई पर्यो काले’को शिर्ष गीत सार्वजनिक गरिएको छ । सार्वजनिक गीतमा चलचित्रका मुख्य कलाकार सौगात मल्ल, पुजा शर्मा, सृष्टि श्रेष्ठ, आकाश श्रेष्ठ, सुरक्षा पन्त, सोहित मानन्धर र राजाराम पौडेल लगायतका कलाकारलाई फिचर्ड गरिएको छ । अर्जुन पोखरेलको संगीत रहेको गीतमा नृपेश उप्रेतीको शब्द रहेको छ भने रामचन्द्र काफ्ले र अञ्जु पन्तको स्वर रहेको छ ।
सार्वजनिक गीतको भिडियोमा सौगात र पूजा जोडीको रुपमा प्रस्तुत छन् भने आकाशको जोडी श्रृष्टिसँग बाँधिएको छ । चलचित्रमा किरण नेपाली, सृष्टि खड्का, शिशिर राणा, बिन्दा खतिवडा, श्याम राई, गोपाल ढकाल (छन्दे), राजेन्द्र नेपाली (लट्टे)को पनि अभिनय रहेको छ । रामजी लामिछानेको कोरियोग्राफी रहेको गीतलाई शिव ढकालले छायाँकन गरेका हुन् । चलचित्रले कालो वर्ण भए पनि मन गोरो भएको एक पात्रको कथा भन्ने निर्माण टिमको भनाई छ ।
किरण नेपाली प्रस्तुतकर्ता रहेको चलचित्रलाई शिशर राणाले निर्देशन गरेका छन् भने राजिव गुरुङ र सरोज नेपालीले लगानी गरेका छन् । चलचित्रकी कार्यकारी निर्माता अमला देवि राई हुन् । चलचित्रमा अर्जुन पोखरेल र लाल बहादुर खतीको संगीत, कमल राईको कोरियोग्राफी, तारा थापा किम्भेको सम्पादन रहेको छ । चलचित्र आगामी कार्तिक ८ गते तिहारको अवसरमा प्रदर्शन हुनेछ ।
(भिडियो सहित्):
