इनरुवा । विगतमा विभिन्न पार्टीमा आवद्ध रहेर सक्रिय रहदै आएका इनरुवा ८ का एक दर्जन मंगलवार नेकपामा प्रवेश गरेका छन । नेपाल कम्युनिष्ट पार्टी नेकपाका इनरुवा नगर अध्यक्ष तिर्थ अधिकारीका अनुसार साविकको डुम्राहा गाविस हाल इनरुवा ८ का नेपाली काग्रेसका सक्रिय सदस्य रामचन्द्र मेहता, दिपेन मेहता सहित एक दर्जन प्रवेश गरेका हुन ।
नवप्रवेशीहरुलाई नेकपा प्रदेश एकका सदस्य पोष्टकुमार नेपाल लगायत नेताहरुले पार्टीको झण्डा अंकित गम्छा, अविर लगाएर स्वागत गरेका थिए । पार्टी परिवर्तन गरेकाहरुले देश र गाउका विकासका लागी नेकपाको सरकारले समृद्ध नेपाल सुखी नेपालीको नारालाई पुरा गर्न सक्ने भएकाले काग्रेस पार्टी परिवर्तन गरि नेकपामा प्रवेश गरेको बताए ।
कार्यक्रममा नेकपामा नेता शम्भुप्रसाद आर्चाय, पर्शुराम आर्चाय, गोपी ढकाल, डमरु भण्डारी, कृष्ण पोखरेल, ओमकार दाहाल, दाताराम पोखरेल, रुद्र बस्नेत, धनश्याम चौधरी तोया गिरी लगायतको सहभागीता रहेको थियो ।
