काठमाडौं । लुक्लाबाट काठमाडौं उडेका चारवटा हेलिकप्टरको काभ्रेमा आकस्मिक अवतरण गरिएको छ। पाँचखाल नगरपालिका २ जोरपाटीमा तीन र पाँचखालकै होक्सेमा एउटा हेलिकोप्टर आकस्मिक अवतर गरिएको प्रहरीले जनाएको छ।
काभ्रेका प्रहरी प्रमुख जयराज सापकोटाले लुक्लाबाट ८ वटा हेलिकोप्टर उडेकोमा चारवटा खराब मौसमका कारण काभ्रेमा आकस्मिक अवतरण गरेको पुष्टि गरे। 'एउटा सिन्धुलीमा ल्यान्ड गरेको सूचना छ', उनले भने, '८ वटा हेलिकप्टर लुक्काबाट उडेका रहेछन्। खराब मौसमका कारण ल्यान्ड गर्नुपरेको सूचना पाएका छौँ।'
हेलिकप्टर सोसाइटीका महासचिव योगराज शर्माका अनुसार सिम्रिक एअरका दुई तथा मानङ एअर, कैलाश एअर र अल्टिच्युड एअरका एक/एकवटा हेलिकप्टर काभ्रेमा अवतरण गरिएको हो। हेलिकप्टरमा विदेशी पर्यटकहरू छन्।
काठमाडौंको भिजिबिलिटी कम भएका कारण हेलिकप्टरहरू ल्यान्ड गर्न नसक्ने भएकोले काभ्रेमा ल्यान्ड गारइको हेलिकप्टर सोसाइटीका महासचिव योगराज शर्मा कँडेलले जानकारी दिए।
एअर डाइनास्टोकी एउटा हेलिकप्टर लुक्ला नजिकैको सुर्केनजिकै रहेको उनले बताए। मौसम खराब भएका कारण जुन हेलिकप्टर जहाँ छन्, त्यही रेस्ट गर्न भनिएको उनले बताए।
