काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारले व्यापारीलाई छाडा छाडिदिँदा बजारमा हरियो तरकारीको मूल्य आकाशिएको छ ।
दशैंतिहार नजिकिँदै गर्दा बजारमा तरकारीको मूल्य आकाशिएको हो । आलु, प्याज, बोडी, करेला जस्ता तरकारीको मूल्य बढ्दा आम उपभोक्ता मारमा परेका छन् ।
भदौ २५ गते ३८ रुपैयाँ किलो थोक बिक्री भएको तनेबोडीको मूल्य असोज १ गते ९८ रुपैयाँसम्म पुगेको छ । ३३ रुपैयाँमा बिक्री भएको तितेकरेला एक हप्तामै १३६ प्रतिशतले बढेर ७८ रुपैयाँ पुगेको छ । ३३ रुपैयाँ किलोको घिरौला पनि सातौ दिनमा ७८ रुपैयाँ थोक मूल्य पुगेको छ ।
रातो आलुको मूल्य हप्तामै ४३ रुपैयाँबाट बढेर ५८ रुपैयाँ किलोसम्म पुगेको छ । एक हप्ताअघि प्रतिकिलो ५९ रुपैयाँमा थोक बिक्री भएको सुकेको प्याजको मूल्य ८९ रुपैयाँ पुगेको छ ।
कालिमाटी तरकारी तथा फलफूल बजारमा सरदर दैनिक ५४ प्रकारका तरकारी तथा फलफूलको खरिदबिक्री हुन्छ । पछिल्लो एक हप्तामा यिनीहरूमध्ये अधिकांशको भाउ बढेको छ ।
दैनिकरुपमा हरेकजसो भन्सामा पाक्ने आलु, प्याज, हरियो खुर्सानीजस्ता तरकारीको मूल्य थोकमा ह्वात्तै बढेको पाइएको छ ।
